Fatawa Akan Ramuwar Sallah

Share:

                     ﷽



SIFFAR YADDA AKE RAMUKON SALLAH :

TAMBAYA: Assalam da fatan malam na lafiya, ya ibada

da hakuri da jama'a?

Ina da wasu tambayoyi da nake so ataimaka

min da amsoshinsu.

1] Nine na makara sallar asubah, ban tashi

daga barci ba har sai 7 oclock (karfe

bakwai) rana ya

fito kuma naji ance alokacin ne shaidan

yake matso da kahonsa kusa da rana, idan

mutum na sallah alokacin tamkar shi

shaidan din yake bautawa.

To awani lokaci ne ya kamata mutum ya

rama wannan sallan?

[2] Akwai salloli da ake bina bashi na

shekaru 2 Wanda nake so

in fara biya. misali idan alokacin sallar

magrib ne bayan na idar sai

kuma nake so in biya azahar na bashin da

ake bina yaya zan biya tunda

sallar zuhr a asirce ne kuma ana lokacin

magrib na bayyanawa ne.shin zanyi sallar a

asirce ne ko yaya.

Thanks daga Sani Jauro.

AMSA: Wa alaikumus salam wa rahmatullah.

Da farko dai waccen labarin da ka fada, ba

haka yake kai tsaye ba. Amma dai abinda ya

tabbata a hadisan Annabi (saww) shine :

Imamu Ahmad da Muslim sun ruwaito hadisi

ta hanyar Sayyiduna Amru bn 'Abisah

(radhiyallahu anhu) yace "Nace wa Manzon

Allah (sallal Lahu alaihi wa aalihi wa sallam)

"Ya Annabin Allah bani labari game da

sallah".

Sai yace "Ka sallaci sallar asubah sannan ka

kame daga yin sallah har sai rana ta fito, ta

'dago domin ita tana fitowa ne ta tsakanin

Qahon wani shaidani kuma awannan lokacin

ne kafirai suke yi mata Sujadah ...".

Imamun Nawawiy yace "Shi shaidanin yana

kusantar da kansa ne zuwa ga rana a irin

wadannan lokutan domin ya zamanto masu

yi mata sujadah daga cikin kafirai tamkar shi

suke yiwa sujadar a zahiri".

To kaga anan Manzon Allah (saww) ya

bayyana cewa an hana yin sallah ne a irin

wadannan lokutan saboda kada muyi

tarayya da kafirai cikin irin abinda suke yi

adaidai lokacin. To amma wannan hanin bai

shafi sallolin ramuko ba.

Mafiya yawan Maluman Fiqhu sun tafi akan

halaccin yin ramuko (Qadha'i) koda bayan

sallar asubah ne ko bayan la'asar Sun

dogara da Ingantaccen hadisin da Bukhariy

da Muslim suka ruwaito Manzon Allah

(saww) yace "DUK WANDA YA MANTA DA

WATA SALLAH, TO YA SALLACETA IDAN YA

TUNOTA".

Don haka ita sallar ramuko babu wani

lokacin da aka hana yinta. Zaka iya yinta

akowanne lokaci. Kuma zaka yita ne bisa

yanayin da ta tsere maka, kuma akan

yanayin da ake yinta.

Misali idan sallar azahar ce ko La'asar zaka

yi karatunsu a boye ne koda acikin dare

zaka ramasu. Sannan koda sallar asubah

zaka rama, ko maghriba ko isha'i to zakayi

karatunsu afili ne koda da rana zaka

ramasu.

Hakanan sallar da ta tsere maka alokacin

kana gida, zaka yita ne cikakkiya (ba Qasaru

ba) koda sanda zaka ramasu din kana wajen

tafiya ne. Haka kuma sallolin da suka tsere

maka akan yanayin tafiya ko balaguro, to

zaka ramasu ne bisa yanayin sallolin tafiya

(Qasaru) koda kuwa agida zaka ramasu).

Don Qarin bayani ka duba babin dake

bayanin yadda ake ramukon sallah acikin

littafin Risalatul Qairawaniy, Muqaddamatul

Iziyyah, da Matnul Ashmawiyyah, da Matnul

Akhdhariy.

Anan nake so inyi maka gargadi game da

barin sallah ta wuceka da gangan, ko kuma

yin sakaci wajen ramasu. Wannan haramun

ne domin kuwa yana daga cikin wasa da

sallah. Kuma Allah yace "AZABA TA

TABBATA GA MASALLATA. MASU YIN

SAKACI AKAN SALLARSU".

Kaji tsoron Allah ka kiyaye dokokinsa. Sallah

ita ce mafi girman dukkan ibadodi kuma ita

za'a fara dubawa a ikin ayyukanka aranar

Alkiyamah. Idan tayi kyau ka tsira. Idan

kuma ta 'baci (saboda rashin yinta akan

lokaci, ko rashin yinta da ilimi, ko rashin

sanya tsoron Allah cikinta) to mutum yayi

asara mai girma. (Allah shi kiyayemu).

WALLAHU A'ALAM.

Almustapha suleiman Idris kankia

abuabdullahi.com.ng 

07035674655

No comments